Georgian (Georgia)English (United Kingdom)

კანონები წმინდა კრებისა, რომელიც შეიკრიბა ღმრთის სიტყვის, სოფიაწმინდის სახელგანთქმულ და სახელოვან ტაძარში და დაამტკიცა მეშვიდე წმინდა და მსოფლიო კრება, ხოლო განხეთქილების მოქმედი და მწვალებელი ცდუნება მოსპო

კანონი 1

წმინდა და მსოფლიო მეშვიდე კრებამ განსაზღვრა, რომ თუ იტალილელი სასულიერო პირნი, ერისკაცნი ან ეპისკოპოსნი, განკვეთით ან შეჩვენებით დასჯილნი მთავაერპისკოპოს იოანე პაპის მიერ, იმყოფებიან აზიასა, ევროპასა ან ლიბიაში, ასეთები კონსტანტინეპოლის წმინდა პატრიარქ ფიტისაგანაც უნდა დაისაჯონ საეკლესიო სასჯელის იმავე ზომით, ე.ი. ან განკვეთით, ან შეჩვენებით, ან უზიარებლობით. და თუ ჩვენმა წმინდა პატრიარქმა ფოტიმ, რომელ სამთავროშიც არ უნდა იყოს, დასაჯოს უზიარებლობით, განკვეთით ან შეჩვენებით სასულიერო პირი, ერისკაცი, ან სამღვდელმთავრო და სამღვდელო დასისაგანი, ასევე განკანონების იმავე სასჯელით უნდა დასაჯოს ისინი იოანე პაპმა და მასთან ერთად მისმა რომის წმინდა ეკლესიამ. ხოლო მისთვის წილხვდომილი პატივი სრულებით ნუ მოაკლდება ნურც რომაელთა ეკლესიის ყოვლადწმინდა საყდარს, ნურც მის საყდრის მპყრობელს, ნურც ახლა და ნურც ამის შემდგომ.

AddThis Social Bookmark Button

ბოლოს განახლდა (FRIDAY, 21 OCTOBER 2011 22:09)

დაწვრილებით...

 

კანონი 1


ჩვენი ნეტარი და ღირსი მამების მიერ ძველად კეთილად წამოწყებული, ესოდენ მშვენიერი და პატიოსანი საქმე - მონასტერთა აშენება - ციდად სრულდება ამჟამად. არის ზოგიერთი, ვინც თავის შეძენილ ქონებას და კარ-მიდამოს მონასტრის სახელს არქმევს დას საღმრთოდ განწმენდილად თვლის მათ, შემდეგ უფლისათვის შეწირულს მაინც თავისთვის მიიწერს და ვერაგულად საღმრთო კუთვნილების მხოლოდ სახელს არქმევს, რადგანაც არ რცხვენია, რომ შეწირვის შემდეგაც აქვს მისი მიხვეჭისა და ქონების უფლება, როგორც ადრე ჰქონდა. ეს საქმე ისე გადაიხარა უწესოებისაკენ, რომ შეწირული მიწებიდან ბევრს ჰყიდიან თვით შეწმირველნი, რაც მხილველების გაკვირვებასა და ზიზღის მიზეზი ხდება. ისინი კი არამცთუ თვითონ არ ნანობენ ღმრთისათვის ერთხელ შეწირულზე თავისი უფლებების გავრცელებას, არამედ სხვებისთვის მიცემასაც არ ერიდებიან. ამის გამო წმინდა კრებამ განსაზღვრა, რომ არავის არ უნდა ჰქონდეს მონასტრის აშენების უფლება, თუ ამას არ შეიტყობს და ნებას არ დართავს იმ ადგილების ეპისკოპოსი. ხოლო თუ ეპისკოპოსი თანახმა იქნება და ამის გაკეთებას ბრძანებს, უნდა წარმოთქვას დაწესებული ლოცვა, როგორც პირველთა მიერ ღმრთისმოყვარეობით არის დაკანონებული. მაშინღა უნდა აშენდეს მონასტერი, და ყველაფერი, რაც მისთვის არის შეწირული, ქონება და ფული მონასტერთან ერთად ჩაწერილ უნდა იქნეს აღწერის წიგნში, რომელიც ინახება საეპისკოპოსო ეკლესიის საცავში. შემწირველსა და მაშენებელს არა აქვს უფლება ეპისკოპოსის ნებართვის გარეშე თავისი თავი ან თავის ნაცვლად სხვა ვინმე დაადგინოს მონასტრის წინამძღვრად. ვინაიდან, თუკი კაცი ვინმეს საჩუქრად მისცემს რაიმეს და მისი მფლობელი აღარ შეუძლია იყოს, მით უმეტეს ვეღარ იქნება იგი იმის მფლობელი, რაც მიართვა და შესწირა ღმერთს.

AddThis Social Bookmark Button

ბოლოს განახლდა (FRIDAY, 21 OCTOBER 2011 22:10)

დაწვრილებით...

 

დიდებული მეფეების ჰონორის მეთორმეტე და თეოდოსის მერვე კონსულობის (იპატოსობის) შემდეგ ივნისის რვა კალანდაზე ადრე ქარკიდონში (კართაგენში) ფავსტოს ეკლესიის კანცელარიაში (სამდივნოში) ავრილიოს პაპთან ერთად შეიკრიბნენ ვალენტინე პირველი მოსაყდრე (არქიეპისკოპოსი) ნუმიდიელი, ფავსტოს პიკენიდან, პოტენტინელთა ეკლესიიდან, იტალიეილი, რომის ეკლესიის წარმომადგენელი იყო. ამათ გარდა აფრიკის სამთავროთა წარმომადგენლები, ე.ი. ორივე ნუმიდიიდან, ვაზაკინიდან, მავრიტანიის კესარიიდან, ტრიპოლიდან, აგრეთვე ვიკენტი კოლუსიტანი, ფორტუნატიანე ნეაპოლელი და სხვა ეპისკოპოსები ანთიპატიის მხარიდან, სულ ორასჩვიდმეტი მამა. ამათთან ერთდ - ფილიპე და ასელი მღვდლები, რომის ეკლესიის წარმომადგენელნი, და მათ წინაშე მდგომი დიაკვნები. აი, რა მოიწონეს და დაადგინეს მათ:

AddThis Social Bookmark Button

ბოლოს განახლდა (FRIDAY, 21 OCTOBER 2011 22:10)

დაწვრილებით...

 

თითოეული სამთავროდან შეკრებილმა სარდიკიის კრებამ დაადგინა შემდეგი:

 

კანონი 1

ქალაქ კორდუბის ეპისკოპოსმა ოსიოსმა თქვა: ძირიანად აღმოსაფხვრელია საქმე, რომელიც ბოროტი ჩვეულება კი არ არის, არამედ მავნე და განმხრწნელი მოქმედებაა. არც ერთი ეპისკოპოსი მცირე ქალაქიდან სხვა ქალაქში არ უნდა გადავიდეს, რადგან ამ საქმის მიზეზი ცხადია. გასაგებია, თუ რა მიზეზი აიძულებთ ასეთი რამის ჩადენას, რადგან ვერავინ იპოვის ისეთ ეპისკოპოსს, რომელიც დიდი ქალაქიდან მცირეში ინდომებს წასვლას. აქედან ცხადია, რომ ანგარების ცეცხლით იწვიან ასეთები და ამპარტავნებას ემონებიან, ესწრაფვიან რა უფრო მეტი ძალაუფლების ხელში ჩაგდებას. თუ ყველას ნება იქნება, ასეთი ვერაგობა მთელი სიმკაცრით განვაკანონოთ. მგონია, რომ ასეთები ერისკაცთათვის განკუთვნილი ზიარების ღირსნიც კი არ არიან.

ყველა ეპისკოპოსმა თქვა: ყველანი ვიწონებთ დადგენილებას.

 

AddThis Social Bookmark Button

ბოლოს განახლდა (FRIDAY, 21 OCTOBER 2011 22:11)

დაწვრილებით...

 

ფრიგიის ლაოდიკიაში აზიის სამთავროთაგან შეკრებილმა წმინდა კრებამ დაადგინა საეკლესიო კანონები, როგორც აქ წერია:

 

კანონი 1

ვინც თავისუფალი და სჯულიერი მეორე ქორწინებით დაქორწინდა და ფარული და უკანონო ვნებით ბიწიანი არ არის, მცირე დროის განმავლობაში ლოცვისა და მარხვის შემდეგ საეკლესიო კანონთა შესაბამისად მას მიეცემა ზიარების უფლება.

 

AddThis Social Bookmark Button

ბოლოს განახლდა (FRIDAY, 21 OCTOBER 2011 22:11)

დაწვრილებით...

 

ანტიოქიაში შეკრებილ წმინდა მამათა კანონები


წმინდა და ყოვლად დამამშვიდებელი კრება, ღმრთის მიერ შეკრებილი ასურეთის ანტიოქიაში ფინიკიელთა, პალესტინელთა, არაბთა, შუამდინარელთა, კილიკიელთა, ისავრიელთა, სამთავროებიდან ერთსულ ძმებსა და წმინდა თანამღვდლებს, უფლისა მიერ გიხაროდენ.

AddThis Social Bookmark Button

ბოლოს განახლდა (FRIDAY, 21 OCTOBER 2011 22:11)

დაწვრილებით...

 

ღანგრაში შეკრებილ წმინდა მამათა კანონები, რომლებიც დადგენილია ნიკეის კრების შემდგომ



პატიოსან უფალთ სომხეთში, ჩვენს თანამღვდლებს ევსევის, ელიანოზს, ევგენის, ულვიმპიოსს, ვითვინიკოსს, გრიგოლის, ფილიტოსს, პაპოსს, ევლალის, ვიპატის, პროერესიოსს, ბასილის, ბასოს, ევგენის ღანგრაში შეკრებილი წმინდა კრება უფლისა მიერ გიხაროდეთ.

AddThis Social Bookmark Button

ბოლოს განახლდა (FRIDAY, 21 OCTOBER 2011 22:12)

დაწვრილებით...

 
More Articles...