Georgian (Georgia)English (United Kingdom)

ვლასიოს ფიდასის წიგნიდან "კანონიკური სამართალი" (ფრანგული ვერსია)

მოამზადა ნინო გაგოშაშვილმა (გაზეთი "საპატრიარქოს უწყებანი", №21, 2007 წ.)

 

ეკლესიის ადმინისტრაციული წყობა

მართლმადიდებელი ეკლესიის ადმინისტრაციულ სამართალში ძალიან რთულია სრულად და ობიექტურად განიმარტოს ტერმინები - "ავტოკეფალია" და "ავტონომია", იმ მიზეზით, რომ ერთი მხრივ, საკითხი მოიცავს მრავალ ასპექტს და მეორე მხრივ, დღესდღეობით შეინიშნება ამ ტერმინის ცალმხრივი ტენდენციაც. ამავე დროს, არსებობს ავტოკეფალიის გამოცხადების კერძო ინიციატივებიც, ერთი შეხედვით კანონიკურ საფუძველზე დამყარებული, რაც ქმნის არა მხოლოდ მრავალმხრივ კანონიკურ პრობლემას, არამედ ასუსტებს მართლმადიდებელი ეკლესიის ერთობას, დაკავშირებულს უფლისმიერ სიყვარულთან.

მას შემდეგ, რაც I მსოფლიო საეკლესიო კრების მე-4, მე-5, მე-6 და მე-7 კანონებით ჩამოყალიბდა საეკლესიო ადმინისტრაციის სტრუქტურული სისტემა, ეკლესიის პრაქტიკაში ტერმინები - "ავტოკეფალია" და "ავტონომია" კანონიკური გახდა და მხოლოდ და მხოლოდ ადმინისტრაციული შინაარსით მოიხსენიება. IV-V საუკუნეებში ვრცელდებოდა საეკლესიო ადმინისტრაციის სამიტროპოლიტო, საეგზარქოსო და საპატრიარქო სისტემები, რაც აფიქსირებდა ადგილობრივი ეკლესიების ერთობის კანონიკურ ჩარჩოებს, სამოქალაქო ადმინისტრაციის გარე სქემის გათავისებით თუ ანალოგიით. თუმცა საეკლესიო ადმინისტრაციის თანმიმდევრული სქემები - სამოქალაქო ადმინისტრაციის შესაბამისი ფორმების ადაპტაციით - არ ირღვეოდა და არ ბღალავდა ეკლესიის ადმინისტრაციული ძალმოსილების მთავარ არსს.

AddThis Social Bookmark Button

Last Updated (Friday, 05 April 2019 18:43)

Read more...

 

წმიდა ნიკიფორე კონსტანტინოპოლელს, IX ს-ის მოღვაწეს, რომელსაც განსაკუთრებული ღვაწლის გამო მართლმადიდებელმა ეკლესიამ “აღმსარებელი” უწოდა (წმ. მაქსიმეს მსგავსად), შედგენილი აქვს “საეკლესიო კანონები”, რაც მთელ სჯულისკანონთან ერთად გამოაქვეყნა საბერძნეთის ეკლესიამ 1894 წ. ეს გამოცემა სახელგანთქმული “ათენის სინტაგმა” ანუ “ათენის კრებული”, მართლმადიდებლური რჯულდებითი ტექსტების ყველაზე უფრო სრულყოფილი ექვსტომიანი პუბლიკაციაა (1852-1855 წ.).

AddThis Social Bookmark Button

Last Updated (Friday, 21 October 2011 21:55)

Read more...

 

(1105 წ.)

შეიკრიბა აფხაზთა, ქართველთა, რანთა და კახთა მეფის დავით აღმაშენებლის ბრძანებით, იმ მიზეზთა გამო, რომელთა შესახებ ქვემოთ არის მსჯელობა.

მთელი ხილული და უხილავი სოფლის და ყველა ცნობილი და გრძნობადი ბუნების არაარსისგან არსებად მომყვანმა ღმერთმა უხილავთა და ზესთა სოფლის ძალთა ბუნება უკვდავებითა და უხრწნელობით შეამკო, ხოლო ქვენა სოფლის ყველა მკვიდრი შექმნასა და ხრწნილებას შორის განაწესა.

AddThis Social Bookmark Button

Last Updated (Friday, 21 October 2011 21:55)

Read more...

 
რომელთაც დავა ჰქონდათ ბოსტრის საეპისკოპოსოს თაობაზე (394 წ.)

კეთილმსახური და ღმრთისმოყვარე მეფეების, ავგუსტოსების ფლავიოს არკადის მესამე და ჰონორის მეორე იპატოსობის დროს ოქტომბრის რვა კალანდის წინ, კონსტანტინეპოლის წმინდა კათოლიკე ეკლესიის სანათლოში დასხდნენ წმინდა ეპისკოპოსები: ნექტარი კონსტანტინეპოლელი, თეოფილე ალექსანდრიელი, ფლაბიანე ანტიოქიელი, ელადი კესარია-კაბადუკიელი, გელასი კესარია-პალესტინელი, გრიგოლ ნოსელი, ამფილოქე იკონიელი, პავლე ირაკლიელი, არაბიანე ანკვირიელი, ამონოს ანდრიანაპოლელი, ფალერი ტარსუნელი, ლუკიოს იერაპოლელი, ელპიდი დაოდიკიელი, პავლე ქსეოელი, დიოსკორე ერმოპოლელი, პროვატი ვერონიკელი, თეოდორე მომფსუესტელი, ვიზუ სელევკიელი, იპაღათუ მარკიანაპოლელი, გერონტი კლავდიოპოლელი და სხვა ეპისკოპოსები და მთელი სამღვდელო დასი.

AddThis Social Bookmark Button

Last Updated (Friday, 21 October 2011 21:56)

Read more...

 

ზესთასახიერი და ჭეშმარიტი ღვთისა და ჩვენი მაცხოვრის იესო ქრისტეს საღვთო, ყოვლადკეთილი და სანატრელი სიტკბოება ყოვლითურთ, ყოველმხრივ და ყოველგვარად ავლენს ქველმოქმედებას ჩვენზე საკუთარი სიკეთის შესაბამისად და აღასრულებს ჩვენს ყველა ნებას. ამიტომ, ჩვენც გვმართებს, მცირედით მაინც შევიცნოთ საკუთარი თავი და თუმცა სხვა რამ სარგებლობის მოტანა არ ძალგვიძს, ის მაინც განვიზრახოთ და, უფრო კი, ვამჯობინოთ, რომ ჩვენს ლოცვაში აღმოვიქადაგებდეთ მისი სიდიადის დიდებულებას და გავაცხადებდეთ მისსავე უდიდეს ქველმოქმედებას, რაც კი ურჩეულესად ქმნილა ჩვენდამი, ხოლო ყველაფერზე წინ, ყველაფრითურთ და ყველაფერთან ერთად - ჩვენი მრავალი და შეუთანასწორებელი შეცოდებების ნაირსახეობისა და ნაირფერობის მრავალგვარ განზრახულობათა ენითუთქმელ დათმენას მისგან, ანუ მის სულგრძელებასა და ზეაღმატებულ კაცთმოყვარეობას კაცთმოყვარეობაში [3], აგრეთვე სიყვარულსა და გულმოწყალებას, რადგან რაც უფრო უკეთურნი ვხდებოდით ჩვენ თაობიდან თაობამდე და რაც მეტად გვებრძოდა ბოროტების მანქანება და გემოთმოყვარეობა, იმდენად მეტად უგულმოწყალესი, ულმობიერესი და ძვირუხსენებელი ჩნდებოდა ჩვენს წინაშე (და იყო კიდეც ამგვარი) ის, ვინც არის ყოველთა მიმართ კეთილი ღმერთი ჩვენი, რომელიც ბუნებითვე ჭეშმარიტად კეთილია დასაბამიდან.

AddThis Social Bookmark Button

Last Updated (Friday, 21 October 2011 21:56)

Read more...

 

ნაწილი I

ღვთისმეტყველებისა, მართლმადიდებლური სარწმუნოებისა, კანონებისა და ხელთდასხმის შესახებ



თავი I. ღვთისმეტყველებისა და მართლმადიდებლური სარწმუნოების შესახებ:

მოციქულთა კანონი 49
კონსტანტინეპოლის II მსოფლიო კრების კანონები 1, 5
ეფესოს III მსოფლიო კრების კანონი 2
VI მსოფლიო კრების კანონები 1, 73, 81

AddThis Social Bookmark Button

Last Updated (Sunday, 08 May 2016 16:07)

Read more...

 
მწვალებელთა შეწყნარების შესახებ

ყოვლად ღმრთისმოყვარე მღდელი ანტონი მესაუბრა მათ შესახებ, რომლებიც მწვალებლობიდან დაუბრუნდებიან და შეემატებიან მართლმადიდებლობას და ცხონებულებს, თუ როგორ უნდა შევიწყნაროთ ისინი. პირდაპირ მოვუთხარ ყველა აქ აღწერილი წესი და ჩვეულება. მე საჭიროდ შევრაცხე ამისი უწყება თქვენი სიწმინდისთვის. თქვენ ხართ მამათა მამა და შვილიშვილი ჩვენი მთავარეპისკოპოსის იოვანე ღმრთისმეტყველისა.

AddThis Social Bookmark Button

Last Updated (Friday, 21 October 2011 21:57)

Read more...

 
More Articles...